Moby Dick
Moby Dick |
---|
instantia de: obra litterari[*] |
![]() ![]() |
|
data de creation: 1850 |
Commons: Moby Dick |
Moby Dick (titulo original anglese: Moby-Dick; or, the Whale, Moby-Dick; o, le balena) es un romance per le autor statounitese Herman Melville, publicate in 1851. Le libro es le narration de Ishmael, un marinero, re le recerca obsessive de Capitano Ahab pro vengiantia contra le balena gigante Moby Dick. Le romance initialmente recipeva recensiones mixte et esseva un insuccesso commercial. Durante le seculo 20, post le morte de Melville, illo deveniva un del libros plus reverate in le canon litterari statounitese. Le libro ha un del phrases initial plus famose in litteratura: "Call me Ishmael." ("Appellar me Ishmael.")
Melville comenciava scriber le libro in februario 1850 e lo finiva post 18 menses. Ille esseva inspirate per su experientias quando ille esseva un marinero ab 1841 usque 1844, durante que ille ha travaliate super balenieras. Istos et altere litteratura re balenieras inspirava su descriptiones realistic del balenieras, del veneria e del experientias con un equipage diverse. Le balena es inspirate per le balena Mocha Dick, qui esseva notoriemente difficile a attrappar, e le conclusion es inspirate per le historia del baleniera Essex. Le romance explora themas de social classe e stato, religion e moralitate. Le influentias litterari de Melville include le Biblia e William Shakespeare. Su scripto ha cantos, poesia, referentias al directiones in le dramas de Shakespeare e soliloquios. Preterea, post augusto 1850 Melville esseva influentia per Mosses from an Old Manse, un historia breve per Nathaniel Hawthorne. Isto causava un revision major quando le libro esseva complete medio. Melville dedicava le libro a Hawthorne.
Le libro esseva originalmente publicate in London in octobre 1851. Illo esseva publicate in New York City le mense subsequente. Il habeva editiones statounitese e britannic con alcun differentias. Le editor Richard Bentley censeva partes del edition britannic e Melville face su proprie revisiones. Le edition statounitese etiam includeva un epilogo que clarava le fato de Ishmael. Le titulo anglese (e in alcun traductiones) ha un tracto de union, ma le nomine del balena in le texto non lo ha.