Մոբի Դիք
 | |
| Ենթավերնագիր | or, The Whale |
| Հեղինակ | Հերման Մելվիլ |
| Անվանվել է | Մոբի Դիք և Մոբի Դիք |
| Տեսակ | գրական ստեղծագործություն |
| Ժանր | Ծովային գրականություն և արկածային |
| Բնօրինակ լեզու | անգլերեն |
| Կերպար(ներ) | Captain Ahab?, Մոբի Դիք, Իսմայել, Queequeg? և Father Mapple? |
| Ստեղծման տարեթիվ | 1850 |
| Երկիր | .svg){kind=small} ԱՄՆ |
| Հրատարակիչ | Richard Bentley |
| Հրատարակման տարեթիվ | հոկտեմբերի 18, 1851 և նոյեմբերի 14, 1851 |
 Moby Dick Վիքիպահեստում | |
Մոբի Դիք կամ Ճերմակ կետաձուկը (անգլ.՝ Moby-Dick; or, The Whale), ամերիկացի հայտնի վիպասան Հերման Մելվիլի վեպ։ Լույս է տեսել 1851 թվականին, համարվում է ամերիկյան վերածննդի ու ռոմանտիկ գրականության կենտրոնական գործերից մեկը։ Տպագրվելուց հետո վեպը վաճառվել է միայն 3,200 օրինակով և հեղինակին բերել է 1,200 դոլարի շահույթ, սակայն հեղինակի վերջին տարիներին արդեն այն մոռացված էր և դուրս էր եկել տպագրությունից։ 20-րդ դարում, համենայն դեպս, վեպը սկսեց համարվել ամերիկյան գրականության լավագույն նմուշներից մեկը։ Ուիլյամ Ֆոլքները խոստովանել է, որ ինքը կցանակար լինել վեպի հեղինակը[2]։ Դեյվիդ Հերբերթ Լոուրենսը ասել է, որ վեպը համարում է «երբևէ գրված ամենատարօրինակ և հրաշալի գրքերից մեկը», իսկ մեկ այլ անգամ Լոուրենսը նշել է, որ այն «ծովի մասին գրված լավագույն գիրքն է»[3]։ «Անվանեք ինձ Իսմայել»-ը գրականության մեջ ամենահայտնի տողերից մեկն է, որով էլ հենց սկսվում է վեպը[4]։
Մելվիլը իր վեպով ցանկանում էր արտահայտել չարի և բարու, աստծո գոյության, հասարակության տարբեր շերտերի և խառնվածքների տեր մարդկանց մասին իր մտքերը, սակայն վեպը մինչև քսաներորդ դարը համարվել է պարզապես արկածային գիրք։ Նվիրված լինելով Նաթանիել Հոթոռնին՝ «ի նշան իմ հիացմունքի նրա հանճարի հանդեպ», վեպը առաջին անգամ լույս է տեսել «Կետաձուկը» անվան ներքո 1851 թվականի հոկտեմբերին Լոնդոնում և կազմել է 927 էջ, և նույն թվականի նոյեմբերին` արդեն «Մոբի Դիք» անունով Նյու Յորքում` ունենալով միայն 635 էջ։ Երկու հրատարակությունների մեջ եղել են հարյուրավոր տարբերություններ, և Մելվիլը ստիպված է եղել շատ տեսարաններ այլ կերպ շարադրել։
Գիրքը ահռելի ազդեցություն է թողել քսաներորդ դարի մշակույթի վրա, վեպի հիման վրա նկարահանվել են մի քանի ֆիլմեր. առաջինը եղել է «Ծովահրեշը» համր ֆիլմը 1926 թվականին։
Հայերեն հրատարակություններ[խմբագրել | խմբագրել կոդը]
Վեպն առաջին անգամ հայերեն թարգմանվել և լույս է տեսել 1979 թվականին։
Ծանոթագրություններ[խմբագրել | խմբագրել կոդը]
- ↑ Moby Dick | Memory Beta, non-canon Star Trek Wiki | Fandom
- ↑ Faulkner (1927)
- ↑ Lawrence (1923), 168
- ↑ Buell (2014), 367
Արտաքին հղումներ[խմբագրել | խմբագրել կոդը]
- Մոբի Դիքը bookmark.am֊ում
- Մոբի Դիկ կամ Ճերմակ Կետաձուկը(չաշխատող հղում)
- Մոբի Դիքը գուտենբերգի նախագծում
| ||||||||||||||
